8 лютага — Kastuś Kalinoŭski ў кнігарні "ЛогвінаЎ"

У прэзентацыі бяруць удзел:

• Алесь Смалянчук — рэдактар кнігі, доктар гістарычных навук, Інстытут славістыкі Польскай акадэміі навук;
• Ірына Дубянецкая — доктар тэалогіі, акадэмічны дырэктар Беларускага калегіума;
• Андрэй Казакевіч — доктар палітычных навук (PhD), адміністратыўны дырэктар Беларускага калегіума, дырэктар Інстытута палітычных даследаванняў "Палітычная сфера";
• Алесь Краўцэвіч — доктар гістарычных навук, Цэнтр беларускіх даследаванняў (Варшава);
• Андрусь Унучак — кандыдат гістарычных навук, Інстытут гісторыі НАН Беларусі;
• Язэп Янушкевіч — кандыдат філалагічных навук, літаратар.

Прэзентацыя адбудзецца 8 лютага 2015 года ў кнігарні "ЛогвінаЎ" (Мінск, прасп. Незалежнасці, 37а). Пачатак у 19.00.

Крыху пра кнігу

На гісторыю сучаснай Беларусі велізарны ўплыў зрабіла постаць Кастуся Каліноўскага, але не толькі ягоная дзейнасць і ягоная рэальная "гістарычная асоба", але і культурная легенда, што паўстала вакол яго самога і вакол паўстання 1863-1864 гадоў. Якую ролю ў фармаванні нацыянальнай ідэнтычнасці адыгрывае гістарычная навука, а якую — яго папулярная гераізацыя ды "гістарычная міфатворчасць"? Пытанні ўзаемадзеяння навуковага і папулярнага асэнсавання мінулага на прыкладзе адной з найярчэйшых падзей беларускае гісторыі абмяркоўваліся на міжнароднай канферэнцыі ў Лондане ў сакавіку 2014 года. Паводле матэрыялаў канферэнцыі і выйшла гэтая кніга.