Новы конкурс праектных прапаноў для арганізацый грамадзянскай супольнасці

Агульная мэта конкурса:

Падтрымка працы пяці тэматычных працоўных груп Форума грамадзянскай супольнасци Усходняга партнёрства (ФГС УП) у адпаведнасці з канкрэтнымі мэтамі і тэматычнымі прыярытэтамі ў рамках рэгіянальнага вымярэння.

Канкрэтныя мэты:

• садзейнічаць прасоўванню рэформ у краінах Усходняга партнёрства ў адной з абласцей, ахопленых структурамі Форума;
• узмацніць рэгіянальную перспектыву (а менавіта: праз праектную дзейнасць з дадатковым эфектам на рэгіянальным узроўні) і пераадоленне прабелаў, якія ўзнікаюць паміж краінамі Усходняга партнёрства праз абранне розных шляхоў і форм адносін з ЕС;
• садзейнічаць эфектыўнай полісі-працы, а таксама прасоўванню грамадскіх інтарэсаў (адвакацыі) мэтаў ФГС УП на ўзроўні ЕС;
• падключыцца да інтарэсаў і патрэб шырокай грамадскасці ў краінах Усходняга партнёрства;
• заахвочваць дзейнасць грамадзянскай супольнасці ў адпаведных галінах і абласцях палітыкі, дзе грамадзянская супольнасць не была актыўнай, але якія бачацца важнымі для развіцця грамадства ў рэгіёне.

Заяўкі, што адпавядаюць больш чым адной канкрэтнай мэце, — асабліва вітаюцца.

Гендэрная роўнасць з’яўляецца адметнай каштоўнасцю ў межах конкурса, увага і павага да гендэрных аспектаў у темах праектаў і запланаванай дзейнасці па ім — асабліва вітаюцца.

Больш падрабязныя прыарытэты па кожнай з пяці працоўных груп  глядзіце ва ўмовах конкурса. 

Агульныя ўмовы конкурса:

• Памеры прапануемых грантау: паміж 10.000 і 25.000 еўра;
• Праекты павінны падавацца ў партнёрстве (мінімум 3 партнёра з краін Усходняга партнёрства, можна больш);
• Заяўнік павінен быць юрыдычнай асобай, некамерцыйнай арганізацыяй грамадзянскай супольнасці;
• Праекты павінны рэалізоўвацца ў перыяд з 1 траўня да 30 лістапада 2016 года;
• Апошні тэрмін падачы заявак: 24.00 (поўнач) 21 лютага 2016 года. 

Увесь пакет дакументаў конкурсу і формы заяўкі (пакуль даступныя на англійскай мове):

• Guidelines for Applicants
• Eligibility Addendum to the Guidelines
• Annex I — Project proposal template
• Annex II — Budget proposal template
• Annex III — Declaration of honour on financial eligibility of the lead partner template

Таксама матэрыялы можна знайсці на сайце Форума грамадзянскай супольнасці Усходняга партнёрства.