З'явіўся беларускі сайт-інструкцыя аб тым, як распазнаць і змагацца з графіці варожасці

У рамках апошняй усееўрапейскага тыдня асветніцкіх дзеянняў супраць фашызму і антысемітызму быў распрацаваны тэматычны сайт па графіці варожасці: http://humane.by/nonaziby.

Маладыя праваабаронцы прапануюць далучыцца да барацьбы з фашысцкімі сімваламі — не толькі са свастыкай. "Карычневая чума" нарывае разнастайнымі лічбавымі пазначэннямі, крыжамі і рунамі, якія беспакарана ўрываюцца ў наш свет з жорсткага мінулага.

Нягледзячы на тое, што закон прадугледжвае пакаранне за дэманстрацыю і распаўсюджванне нацысцкай атрыбутыкі, злавіць такіх "графіцістаў" даволі складана. На жаль, і самі камунальныя службы не заўсёды могуць своечасова адрэагаваць на графіці, якія змяшчаюць нацысцкую сімволіку. Таму наш абавязак дапамагаць ім, калі мы адчуваем адказнасць перад сваім будучым і сваім мінулым.

На сайце размешчана інфармацыя, як змагацца з "сімваламі варожасці" самым даступным чынам: напісаць зварот у ЖЭС і міліцыю ці сфатаграфаваць і даслаць нам на паштовую скрыню [email protected] з указаннем дакладнага адрасу (напрыклад, вул. Быкава, д. 40, 3-й пад'езд, лесвічны пралёт паміж 3 і 4 паверхамі). А каб эфектыўна змагацца з нацысцкай і фашысцкай сімволікай ў Інтэрнэце, неабходна даслаць зварот у Міністэрства інфармацыі.

Больш падрабязную інфармацыю вы можаце даведацца на сайце: http://humane.by/nonaziby.