4 студзеня — навуковая сустрэча з Ірынай Дубянецкай у міжкалядным часе

Адной з беларускіх традыцыйных асаблівасцей ёсць дубляванне хрысціянскіх свят, выкліканае двума календарамі, якія ўжываюць розныя цэрквы краіны. "Ува ўсіх Хрыстос нараджаецца аднойчы, а ў нас — двойчы!" — пахваляюцца беларусы суседзям, а тыя не толькі не зайздросцяць, але і не разумеюць, чым тут хваліцца.

Мы паспрабуем зразумець гэтую ўнікальную беларускую радасць на навуковай сустрэчы ў міжкалядным часе. Мы таксама пагутарым пра беларускія калядныя спадзяванні, мроі, гістарычныя ўтопіі ды культурныя традыцыі — літургічныя, этнаграфічныя, фальклёрныя, літаратурныя, кулінарныя ды інш.

Сустрэча адбудзецца ў этнацэнтры "РАГНА", яккі знаходзіцца па адрасе: Мінск, вул. Караля, 22 (ст. м. "Фрунзенская"), — у нязмушанай сяброўскай каляднай атмасферы пры кубачку збітню, які ёсць ці ненайстарэйшы беларускі калядны напой.

Для рэгістрацыі на сустрэчу просім звяртацца па нумары тэлефона: (+375 29) 1802838 (Святлана).

Сачыце за навінамі мерапрыемства ў Фэйсбуку.