23 снежна — навуковы шпацыр "Менская легенда" з Ірынай Дубянецкай

Напярэдадні зімовага сонцавароту і Божага Нраджэння, у самы цёмны час года — час, поўны прадчуваннем святла — мы будзем даследаваць нараджэнне светлай легенды Мінска — цудатворнага абраза Маці Божай Мінскай.

Гэты абраз, праўдападобна XVII стагоддзя, легенда пераносіць у XV стагоддзе, а адтуль у X стагоддзе, а адтуль — і ў I стагоддзе! Гістарычны, рэлігійны, мастацкі, тапаграфічны, літургічны і нават цудадзейны аспекты легенды вартыя свайго вывучэння, і ўсе разам яны звязаныя з жывой гісторыяй Мінска і Беларусі, з цяперашнім пытаннем нашае ідэнтычнасці.

Мы пройдзем па святочным горадзе шляхам мінскіх вандраванняў галоўнага гарадскога абраза: ад Ніжняга замка, праз старую Нямігу, да Верхняга рынка. Мы адведаем два прывіды аднае царквы: адзін — муляж царквы і дзве царквы — змененай традыцыі.

Навуковы шпацыр "Менская легенда" з цыкла "Вера Беларусі" мае адбыцца 23 снежня, у сераду, а 18-й гадзіне.

Яго для нас праводзіць Ірына Дубянецкая, бібліст, багаслоў і філосаф, доктар сакральнай тэалогіі і доктар філасофіі (PhD), акадэмічны дырэктар Беларускага калегіума.

Колькасць месцаў абмежаваная!

Абавязкова рэгістрацыя цераз электронную скрыню: [email protected].

У самым пачатку 2016 года чакайце на працяг навуковага шпацыру з Ірынай Дубянецкай "Менская легенда".