Навуковае падарожжа "Шляхамі старажытных хронік"

Марштут падарожжа:

Мінск - Княжыцы - Палыкавічы - Магілёў - Салтанаўка - Баркалабава - Быхаў - Мінск

Гэтым разам наш шлях вядзе ў Падняпроўе, да берагоў легендарнае ракі славяншчыны, водамі якое, паводле апокрыфаў, трымаў свой шлях Святы Андрэй, апостал. Мы ўбачым край, дзе была створаная Баркулабаўская хроніка - унікальны помнік беларускага летапісання пачатку ХVII ст. У Святадухавым манастыры ў колішнім мястэчку Баркалабава пабачым Святы абраз Маці Божае Баркулабаўскае.

Мы спрычынімся да святыняў, агледзім берагі сівога Дняпра, наведаем старадаўнія храмы, а перадусім - будзем весці гутарку пра стражытныя паданні, святыя абразы, летапісы і хронікі, створаныя на гэтых берагах.

У Княжыцах мы агледзім руіны касцёла Святых Антонія і Мікалая і славутага кляштара дамініканцаў XVIII ст.

У Палыкавічах будзем піць ваду са святой крыніцы і агледзім Пятніцкую царкву.

У Магілёве наведаемся ў кафедральны сабор Трох Свяціцеляў, іканастас якога ўпрыгожваюць спісы са славутых святых абразоў Магілёўшчыны, у слынны Мікалаеўскі манастыр XVII ст. над Дняпром, у ратушу, архікафедральны каталіцкі сабор Святога Станіслава ды пройдземся вуліцамі старажытнага горада.

Далейшы наш шлях пройдзе праз вёску Салтанаўка, дзе ёсць капліца ў гонар падзеяў 1812 года, да Баркалабава, дзе сёння, як і здаўна, дзейнічае Узнясенскі манастыр, дзе зберагаюць і шануюць славуты Святы абраз Баркалабаўскае Маці Божай.

Мы наведамем Быхаў над Дняпром, дзе ўбачым унікальную рэнесансную сінагогу-крэпасць XVII ст., вялікі замак Хадкевічаў і Сапегаў, узведзены над стромым берагам у 1610-1619 гадах, драўляную Траецкую царкву, у якой перахоўваўся Святы цудадзейны абраз Баркалабаўскай Маці Божай цягам 60 гадоў, а таксама колішні кляштар канонікаў латэранскіх, пераробены на жаночую гімназію, а а пасля на турму, дзе былі зняврленыя генералы Царскае Стаўкі, уцёкі якіх, на чале з Карнілавым, сталі пачаткам вялікай Грамадзянскай вайны ў Расіі...

Дабрачынны ўнёсак: 350 тыс. бел. руб.

Па пытаньнях удзелу ў вандроўцы звяртайцеся на адрас электроннай пошты: [email protected], альбо тэлефануйце па нумары тэлефона: (+375 29) 1802838 (Святлана).