Круглы стол "Усходняе партнёрства напярэдадні Рыжскага саміта"

Круглы стол ініцыяваны Беларускай нацыянальнай платформай Форума грамадзянская супольнасці Усходняга партнёрства. Падчас круглага стала плануецца абмеркаванне актуальнай сітуацыі ва Усходнім партнёрстве, ацэнка развіцця адносін паміж Рэспублікай Беларусь і Еўрапейскім Саюзам, выпрацоўка супольнай пазіцыі ўдзельнікаў Беларускай нацыянальнай платформы па пытаннях рэвізіі Еўрапейскай палітыкі суседства, еўрапейска-беларускіх адносін, развіцця ініцыятывы ЕС "Усходняе парнёрства".

Круглы стол "Усходняе партнёрства напярэдадні Рыжскага саміта: выклікі і задачы для грамадзянскай супольнасці Беларусі" пройдзе ў Мінску 5 траўня 2015 года з 10.00 да 17.00.

Для таго каб прыняць удзел у круглым стале, неабходна да 3 траўня 2015 года даслаць заяўку на адрас электроннай пошты: [email protected]. У заяўцы трэба пазначыць імя і прозвішча ўдзельніка, а таксама назву арганізацыі ці род заняткаў.

Дадатковая інфармацыя пра месца правядзення і праграма круглага стала будзе дасланая зарэгістраваным удзельнікам.