Навуковае падарожжа "Татарскія гароды. Малы хадж на захад"

Маршрут падарожжа:

Мінск - Валожын - Іўе - Уселюб - Лоўчыцы - Навагарадак - Слонім - Мінск.

Мусульмане з Залатой Арды, Каўказа і Крыма пасяліліся ў Беларусі яшчэ ў пачатку XIV ст. Ужо ў 1319 годзе татары складалі перадавы атрад войска князя Гедыміна ў бітве з крыжакамі. Асаблівай мужнасцю вылучаліся яны і ў Грунвальдскай бітве 1410 года. Князь Вітаўт дазволіў ім сяліцца і даў ім прывілеі ў абмен на вайсковую службу.

Першыя перасяленцы належалі да розных народаў і гаварылі на розных мовах. У другім пакаленьні для іх мовай матчынай стала наша, але бацькоўская мусульманская вера і арабскі алфавіт, адрозьнівалі іх ад суседзей. Цягам многіх стагоддзяў у Беларусі складалася ўнікальная мусульманская культура, адрозная ад астатняга ісламскага свету, са сваёй літаратурай, традыцыямі і найбагацейшай гісторыяй. А славутыя татарскія гароды упрыгожвалі і кармілі нашу зямлю. Меншыя ці большыя групы беларускіх мусульман здавён даўна жывуць паўсюдна ў Паазер’і, на Міншчыне, на Палессі.

У гэтым падарожжы мы пазнаёмімся з часткай спадчыны беларускіх татар, што засталася ў Панямонні, на Гарадзеншчыне. Мы ўбачым найстарэйшы ў Беларусі мячэт, збудаваны ў Іўі ў 1882 годзе, што застаўся нязменным да нашых дзён, месца "малога хаджу" беларускіх мусульман, магілу пастушка Контуся і адноўленыя старадаўнія мячэты у Лоўчыцах і Навагарадку, старасвецкія мізары (музульманскія могілкі) у розных мястэчках і вёсках, а таксама пройдземся вуліцамі стражытнага Слоніма, дзе ўбачым яшчэ адзін мячэт, што паўстаў у мінулым стагоддзі, а таксама здабыткі розных іншых культур і эпох. А таксама мы пагаворым пра ўнікальную кніжную і рэлігійную традыцыю беларускага мусульманства.

Па пытаньнях удзелу ў вандроўцы звяртайцеся на адрас электроннай пошты: [email protected], альбо тэлефануйце на нумар: (+375 29) 1802838 (Святлана).

Дабраахвотны ўнёсак: 340 тыс. руб. (разам з пачастункам)

Сачыце за падзеямі ва УКантакце і Фэйсбуку.