Адукацыйны курс "12 крокаў да сучаснай грамадзянскасці"

Мэтай курса з'яўляецца павышэнне ўзроўню кампетэнтнасці ўдзельнікаў у галіне грамадзянскай адукацыі ў актуальным кантэксце, укаранення ідэі актыўнай грамадзянскасці ў існуючыя адукацыйныя праграмы.

Да ўдзелу запрашаюцца прадстаўнікі грамадскіх арганізацый, якія працуюць у сферы нефармальнай адукацыі альбо ажыццяўляюць адукацыйную дзейнасць, актывісты грамадскіх арганізацый і ўсе зацікаўленыя ў арганізацыі адукацыйнай дзейнасці па грамадзянскай адукацыі.

Адукацыйны курс "12 крокаў да сучаснай грамадзянскасці" уключае ў сябе набор з 12 модулей, згрупаваных па трох тэматычных блоках:

1. Вытокі грамадзянскасці як паняцця ў свеце і Беларусі: 4-5 красавіка 2015 года;
2. Сістэма, метады і формы грамадзянскай адукацыі і выхавання ў Беларусі: 18-19 красавіка 2015 года;
3. Сучаснасць і грамадзянская адукацыя ў Беларусі: змест, актары, мэты: 16-17 траўня 2015 года.

Тэмы будуць разгледжаныя на працягу трох семінараў, другой часткай якіх будзе паэтапнае ўвядзенне курса "Сеткавае грамадзянскае дзеянне", які складаецца з трох частак.

Акрамя гэтага, удзельнікі змогуць самастойна арганізаваць для сваіх супольнасцей або мэтавых груп грамадска-культурнцкія мерапрыемствы: адкрытыя дыскусіі, кінапаказы, сустрэчы з уплывовымі асобамі і г.д.

Адбор удзельнікаў курса будзе праходзіць на конкурснай аснове.

Каб прыняць удзел у курсе, неабходна да 22 сакавіка 2015 года запоўніць электронную заяўку.

25 сакавіка 2015 года кандыдаты будуць запрошаныя для ўдзелу ў курсе.

Адукацыйны курс "12 крокаў да сучаснай грамадзянскасці" будзе праходзіць у Мінску.

Дадатковую інфармацыю можна атрымаць у каардынатара курса Юліі, даслаўшы ліст на адрас электроннай пошты: [email protected] з пазнакай "Адукацыйны курс".

Таксама сачыце за намі ў Фэйсбуку: https://www.facebook.com/Grazdanstvennostby.