Праграма "Грамадскі аўдыт" для некамерцыйных арганізацый

У межах праграмы беларускія НКА атрымаюць усебаковую ацэнку адпаведнасці іх дзейнасці патрабаванням заканадаўства, якая будзе ўключаць у сабе:

1. Аўдытарскую праверку ў адпаведнасці з Міжнароднымі стандартамі фінансавай справаздачнасці з боку атэставанага беларускага аўдытара з выдачай аўдытарскага заключэння ў адпаведнасці з Законам Рэспублікі Беларусь "Аб аўдытарскай дзейнасці";

2. Ацэнку дакументаў і дзейнасці арганізацыі, а таксама кансультацыi з боку прафесійных юрыстаў. У часе ацэнкі арганізацыі атрымаюць рэкамендацыі па вядзенні справаводства, у тым ліку кадравага.

Мяркуецца, што агульны час ацэнкі прадастаўленых арганізацыямі-ўдзельнікамі праграмы матэрыялаў зойме ад 1 да 3 тыдняў. Арганізацыям, якія скарыстаюцца праграмай "Грамадскі аўдыт", будуць прадстаўленыя далейшыя кансультацыі па выпраўленні знойдзеных у часе праграмы недахопаў і прывядзенні дзейнасці ў адпаведнасць з заканадаўствам.

Зарэгістраваныя ў Беларусі НКА (грамадскія аб’яднанні розных статусаў, установы і фонды) запрашаюцца дасылаць запоўненыя па форме заяўкі на ўдзел у праграме "Грамадскі аўдыт" на адрас электроннай пошты: [email protected] да 15 сакавіка 2015 года (у тэме ліста просім пазначаць AUDYT і назву арганізацыі на беларускай альбо рускай мовах). Заяўкі прымаюцца толькі ад імя кіраўніка арганізацыі.

Арганізацыі будуць уключаныя ў праграму "Грамадскі аўдыт" на падставе конкурснага адбору, праведзенага на падставе паўнаты прадстаўленых заявак і наяўных магчымасцей для правядзення праверкі дзейнасці найбольшай колькасці арганізацый.

Пра вынікі конкурснага адбору будзе паведамлена да 31 сакавіка 2015 года. Арганізацыям, якія будуць уключаныя ў праграму "Грамадскі аўдыт", будзе прапанаваны магчымы час правядзення ацэнкі ў перыяд з красавіка па верасень 2015 года.