Навуковае падарожжа па "краю выгнанцаў"

Гэтым разам мы наведваем Баранавіччыну - край, наўпрост знітаваны з лёсам паўстанцаў Касцюшкі і Каліноўскага, з лёсамі Яна Чачота і Паўлюка Барыма...

Маршрут падарожжа:

Мінск - Крашын - Баранавічы - Новая Мыш - Сталавічы

Вядоўцамі выступяць гісторык мастацтва, літаратар, выкладчык, мастак Сяргей Харэўскі і беларускі філосаф і тэолаг, доктар філасофіі, доктар сакральнай тэалогіі Ірына Дубянецкая.

Беларусь з пачаткам анексіі Расійскай імперыяй сталася краем, з якога былі выгананыя сотні тысяч людзей - прыгоннымі сялянамі-беларусамі расійскія памешчыкі засялялі бязлюдныя абшары ад Крыма да Сібіры, а патрыёты-інтэлігенты выпраўляліся на чужыну ў кайданах. Тысячы беларусаў вымушаны былі пакінуць родны край, ратуючыся ад пераследу, каб рассеяцца па свеце.

Мы, вандруючы па Барнавіччыне, будзем гаварыць пра лёсы ваяроў, паплечнікаў Касцюшкі і Каліноўскага, пра лёсы Яна Чачота і Паўлюка Багрыма. Мы пабачым унікальнае ўбранне касцёлу ў Новай Мышы, што аказалася там, у выніку выгнання сёстраў-бенедыкцінак з Нясвіжа, куды яшчэ раней, яны былі выгнаныя са Смаленска...

Мы наведаем Пакроўскі сабор у Баранавічах, каб убачыць мазаікі і абразы, што аказаліся там у выніку вывазу іх у міжваенны час з Варшавы. А што яшчэ дзеілася там у міжваенны час?

А таксама наведаем храм у Сталавічах, што быў пабудаваны як капліца Мальтыйскага ордэна, пасля належала ўніятам, а затым - рускай царкве...

Што з усяго гэтага застаецца назаўжды толькі нашым? Як ствараецца наша новая ідэнтычнасць і якія праблемы паўстаюць на гэтым шляху? Хто мы самі, у краі выгнанцаў?

Дабраахвотны ўнёсак: 340 тыс. рублёў.

Даведкі па нумары тэлефона: +375 29 1802838 ці праз адрас электроннай пошты: [email protected] (Святлана).