Прэзентацыя кнігі Аляксандра Тамковіча "Найноўшая гісторыя ў асобах" у Вільні

Кніга апавядае пра найбольш выбітных, на думку аўтара, людзей сучаснай Беларусі, значную частку з якіх складаюць правааабаронцы.

Прэзентацыя пройдзе 14 студзеня 2015 года ў Вільні ў Беларускі дом правоў чалавека імя Барыса Звозскава (вул. Латака, 3). Пачатак у 15.00.

У кнізе змешчаныя 70 нарысаў і 60 фотаздымкаў, якія адлюстроўваюць розныя перыяды жыцця герояў. "Па сутнасці, "Найноўшая гісторыя ў асобах" - гэта літаратурна-разгорнуты варыянт даведніка "Хто ёсць хто", што дазваляе з дапамогай адной кнігі атрымаць амаль поўнае ўяўленне пра палітычны (апазіцыйны) ландшафт Беларусі", - так апісвае кнігу яе аўтар Аляксандр Тамковіч.

Аляксандр Тамковіч - журналіст, аўтар шэрагу кніг пра значныя палітычныя падзеі Беларусі ды іх уплыў на лёсы людзей - палітвязняў, грамадскіх актывістаў, праваабаронцаў. Кніга "Найноўшая гісторыя ў асобах" мае два выдавецкіх варыянты: беларускі і англійскі, аднак падчас мерапрыемства для замежнай аўдыторыі будзе прадстаўлены англамоўны варыянт. Фотаздымкі з кнігі будуць прадстаўленыя ў межах мультымедыйнай прэзентацыі.

Разам з аўтарам на прэзентацыі будуць прысутнічаць і героі кнігі: кіраўнік Праваабарончага цэнтра "Вясна" Алесь Бяляцкі ды сябра Рады ПЦ "Вясня" і прэзідэнт Беларускага ДПЧ Таццяна Рэвяка.

Калі ласка, пацвердзіце свой удзел у прэзентацыі да 13 студзеня 2015 года (уключна) па адрасе электроннай пошты: [email protected]. Адказы на пытанні можна атрымаць па тэлефонным нумары: +370 5 212 77 03.