Адкрытая дыскусія на тэму смяротнага пакарання ў Беларусі

Амбасада Чэшскай Рэспублікі запрашае на адкрытую дыскусію на тэму смяротнага пакарання ў Беларусі. Запрашэнне на ўдзел, акрамя іншых, прыняў і Карэл Шварцэнберг, старшыня Камітэта па замежных справах Парламента Чэшскай Рэспублікі, былы міністр замежных спраў Чэшскай Рэспублікі і кіраўнік канцылярыі прэзідэнта Вацлава Гаўла. Абмяркоўвацца будзе не толькі тэма смяротнага пакарання, але і пытанні правоў чалавека, этыкі, грамадскіх настрояў і ўплыву смяротнага пакарання на грамадства. Будзе абмеркаваны таксама вопыт іншых краін з дадзеным відам пакарання.

Карэл Шварцэнберг нарадзіўся ў 1937 годзе ў чэшскай арыстакратычнай сям’і, якая была вымушана пакінуць краіну пасля камуністычнага перавароту ў 1948 годзе. Эміграваў у Аўстрыю, дзе актыўна дапамагаў дысідэнтам, у тым ліку, заснаваўшы Чэхаславацкі цэнтр дакументацыі - свайго кшталту архіў забароненай літаратуры.

У 2007-2009 гадах і паўторна ў 2010-2013 гадах быў міністрам замежных спраў Чэшскай Рэспублікі і першым намеснікам прэм’ер-міністра. У 2013 годзе быў кандыдатам на пасаду прэзідэнта Чэшскай Рэспублікі, выбыў у другім коле, набраўшы 45,19% галасоў. У пачатку 1990-х займаў пасаду кіраўніка канцылярыі прэзідэнта Вацлава Гавэла. У 1984-1991 гадах быў прэзідэнтам Міжнароднай Хельсінкскай федэрацыі па правах чалавека. На гэтай пасадзе размаўляў пра пытанні правоў чалавека ў СССР, Югаславіі, Балгарыі і Чэхаславакіі.

У цяперашні час таксама з’яўляецца старшынёй Камітэта па замежных справах Парламента Чэшскай Рэспублікі, а таксама старшынёй чэшскай ліберальна-кансерватыўнай палітычнай партыі ТОР 09. Нястомна выступае за дэмакратыю і правы чалавека.