ГА "БАЖ" запрашае на прэзентацыю кнігі "Каму патрэбна смяротнае пакаранне"

Кніга ўяўляе сабой зборнік матэрыялаў і гісторый, а таксама ўключае статыстычную інфармацыю адносна прымянення смяротнага пакарання ў Беларусі і перспектыў яе адмены.

Прэзентацыя адбудзецца 9 кастрычніка, у чацвер, напярэдадні Сусветнага дня супраць смяротнага пакарання ў офісе ГА "Беларуская асацыяцыя журналістаў" (Мінск, вул. Камсамольская, 7, офіс 32; уваход у офісны будынак праз цэнтр прыгажосці "Body Jazz"). Пачатак у 18:00.

"Усе аргументы "за" ці "супраць" смяротнага пакарання павінны засноўвацца на ўсведамленні складанасці і неадназначнасці гэтай праблемы. Пра гэта, уласна кажучы, гэтая кніга. Кожны з нас мае сваё меркаванне па гэтым няпростым пытанні. Хтосьці абапіраецца на палітычныя, рэлігійныя погляды, меркаванне вядомых філосафаў і мысляроў, хтосьці - на свой досвед, а хтосьці абыякава ідзе за меркаваннем большасці.

Стаўленне да яго стала мяжой, якая падзяляе прыхільнікаў і супернікаў смяротнага пакарання на два лагеры па светапоглядных і ідэалагічных пазіцыях. Таму, выказваючыся за смяротнае пакаранне ці супраць яго, мы характарызуем не толькі праблему, але і ўласную асобу", - гаворыцца у прадмове да кнігі, укладальнікам якой выступіў Валерый Філіпаў.

Валерый Філіпаў - адзін з першых праваабаронцаў, якія пачалі займацца праблемай адмены смяротнага пакарання ў Беларусі. Пад рэдакцыяй Філіпава выйшлі ўжо тры выданні, прысвечаныя праву на жыццё.

Дадатковая інфармацыя па нумарах тэлефона:

• (+375 29) 3440310 (аўтар);
• (+375 29) 1267098 (офіс ГА "БАЖ").