"Беларускі калегіюм" абвесціў набор на 2014-2015 навучальны год

Прапануецца дадатковае навучанне па спецыялізацыях:

• Журналістыка: падставовы курс
• Найноўшая гісторыя
• Філасофія/літаратура

а таксама

• Спецкурс па фатаграфіі
• Журналісцкія практыкумы
• Семінар па палітычнай тэорыі "Інстытуты і палітыка"

Да ўдзелу ў конкурсе запрашаюцца студэнты старэйшых курсаў альбо асобы з вышэйшай адукацыяй. У выключных выпадках прымаюцца студэнты малодшых курсаў.

Навучальныя праграмы "Беларускага калегіюма" арыентаваныя на выкладанне найноўшых фрагментаў сучаснай веды і тэхнік інтэлектуальнай працы і не дублююць існуючыя праграмы дзяржаўных і недзяржаўных універсітэтаў.

Сэртыфікат "Беларускага калегіюма" не замяняе дыплом аб вышэйшай адукацыі.

Навучанне ў "Беларускім калегіюме" - бясплатнае.

Пачатак заняткаў з 27 кастрычніка 2014 года.

Заяўкі прымаюцца да 6 кастрычніка 2014 года.

Умовы паступленьня

Дадатковую інфармацыю можна атрымаць праз адрас электроннай пошты: [email protected].

"Беларускі калегіюм" паўстаў у лістападзе 1997 года з ініцыятывы шэрагу няўрадавых беларускіх арганізацый і прыватных асоб і, як адукацыйны праект, зрэалізоўваецца з 1 кастрычніка 1998 года.

"Беларускі калегіюм" - форум для правядзення публічных лекцый і дыскусій, месца інтэлектуальнага і культурніцкага дыялогу, кантактаў і супрацоўніцтва з калегамі з сярэднеэўрапейскіх і заходніх краін.

"Беларускі калегіюм" аб’ядноўвае навукоўцаў, журналістаў, людзей мастацтва і культуры, грамадзкіх асоб з мэтай актуалізацыі шматкультурнай беларускай традыцыі і спрыяння дэмакратычным пераўтварэнням у беларускім грамадстве ў кантэксце вызначальных каштоўнасцей еўрапейскай цывілізацыі і агульнаеўрапейскіх працэсаў інтэграцыі.

Прынцыпы дзейнасці:

• заходне- і сярэднееўрапейскія культурніцкія практыкі ў ажыццяўленні навучальнага працэсу і навуковых даследаванняў;
• сучасныя еўрапейскія навучальныя тэхналогіі;
• параўнальны навуковы і навучальны падыход; крытычнае мысленне і адукацыя, заангажаваныя ў беларускую культурную традыцыю і сучасную сытуацыю;
• каштоўнасці адкрытага і дэмакратычнага грамадзтва.