Азнаямленчы візіт па свабодзе асацыяцый у Вільню і Будапешт

Візіт адбудзецца ў перыяд з 23 па 30 кастрычніка 2014 года.

Праграма візіта ўключае ў сябе азнаямленне з актуальнай сітуацыяй прававога рэгулявання дзейнасці няўрадавых арганізацый у Цэнтральнай Еўропе, еўрапейскімі стандартамі свабоды асацыяцый, стасункамі паміж дзяржавай і грамадзянскай супольнасцю, практыкай рэформ у азначаных сферах. Запланаваны сустрэчы з юрыстамі, якія практыкуюць у галіне некамерцыйнага права.

Да ўдзелу запрашаюцца прадстаўнікі арганізацый, што дзейнічаюць у кірунку паляпшэння прававых умоў для дзейнасці няўрадавых арганізацый у Беларусі, юрысты ды іншыя спецыялісты, што практыкуюць у галіне прававога забеспячэння дзейнасці грамадскіх аб’яднанняў, фондаў, іншых форм НКА. Праграма адкрытая для прадстаўнікоў арганізацый усіх сектараў - недзяржаўнага, дзяржаўнага, камерцыйнага.

Заяўкі на ўдзел у азнаямленчым візіце прымаюцца праз электронную форму.

Апошні тэрмін падачы заявак: 12 верасня 2014 года.

Вынікі разгляду заявак будуць паведамлены аплікантам не пазьней за 22 верасня.