Пачынаецца новы этап конкурса "Народны журналіст"

Арганізатары конкурса чакаюць тэксты, фотарэпартажы, відэа, аўдыё, спасылкі на блогі пра мясцовыя праблемы.

Галоўная ўмова ўдзелу ў конкурсе:

Аўтар не павінен быць прафэсійным журналістам.

Намінацыі конкурса:

• Тэкст;
• Мультымэдыя (відэа, фота, аўдыё, Інтэрнэт);
• Малады народны журналіст;
• Баронім сваё (мясцовыя культурныя каштоўнасці).

Кожны канкурсант атрымае падарунак. Аўтарам найлепшых прац будуць прызы: 2 ноўтбукі, 2 відэакамэры, а таксама флэшкі.

Усе працы, адпаведныя ўмовам конкурса, з'явяцца на партале narodny.by; найлепшыя будуць прапанаваныя незалежным газетам, радыё, тэлеканалу "Белсат". Пераможцы атрымаюць друкаваны наклад сваіх тэкстаў, каб правесці мясцовую кампанію. На ваша запрашэнне для кансультацый і дапамогі прыедзе група экспертаў.

Апошні тэрмін падачы прац - 15 кастрычніка 2014 года.

Для ўдзелу ў конкурсе неабходна паслаць свой матэрыял на адрас электроннай пошты: [email protected], праз кантактную форму на партале narodny.by ці звычайнай поштай.

Больш падрабязнасцей пра конкурс глядзіце на партале narodny.by.