Рэспубліка Мары - самы вялікі моладзевы фестываль!

Фэст разлічаны на 151 удзельніка. Яго галоўнай мэтай з'яўляецца прыцягненне ўвагі моладзі да важных сацыяльных праблем у беларускім грамадстве.

Унікальнасць дадзенага праекта заключаецца ў тым, што на працягу ўсіх 4 дзён фэст будзе праходзіць у фармаце дзяржаўнага мадэлявання з поўным пагружэннем у асяродзе. Усе ўдзельнікі становяцца жыхарамі гульнявой краіны (Рэспублікі Мары) са сваёй палітычнай, эканамічнай і сацыяльнай мадэллю. У гэтай рэспубліцы кожны можа паспрабаваць сябе ў розных ролях: стаць дзяржаўным служачым, паспяховым прадпрымальнікам ці грамадскім дзеячам. Гульнявое жыццё максімальна набліжана да рэальнасці (неабходнасць зарабляць гульнявыя грошы, каб аплачваць ежу, жыллё і падаткі, абмежаваная колькасць грошай у эканоміцы, неабходнасць выканання гульнявых законаў).

Агульнай гульнявой мэтай для ўсіх удзельнікаў з'яўляецца "планаванне будучыні": абмеркаванне сучасных праблем гульнявой краіны ў мінігрупах, выпрацоўка рашэнняў і выбар найлепшых з іх. А таксама існуе некалькі прызавых намінацый (Лепшы палітык Рэмары, лепшы лектар Рэмары, лепшы бізнэсмэн Рэмары ды інш.). Акрамя ралявой часткі, гульня напоўнена навучалымі лекцыямі і семінарамі, якія павінны не толькі дапамагчы ўдзельнікам у дасягненні ўласных і групавых гульнявых мэт, але і даць ім багаж неабходных прыкладных ведаў для фармавання актыўнай грамадзянскай пазіцыі.

"Акадэмічная" частка праводзіцца на базе ўніверсітэта Рэмары і ўключае шырокі дыяпазон тэм: ад майстар-класаў па прасоўванню ўласнай бізнэс-ідэі да лекцый пра прынцыпы функцыянавання грамадзянскай супольнасці. Для правядзення такіх заняткаў запрашаюцца паспяховыя бізнэсмэны і грамадзянскія актывісты, якія падзяляюць мэты "Рэмары".

Фэставая частка Рэмары прадстаўлена выступамі беларускіх музыкаў у першы і другі вечар, а таксама ўрачыстым закрыццём фэсту ў апошнюю ноч. Апроч гэтага на фэсце будуць праходзіць спартовыя мерапрыемствы, працаваць кінатэатр Рэмары, некалькі зон адпачынку.

Даты правядзення: 

• з 21 па 24 жніўня 2014 гада.

Месца правядзення: 

• Хутар Шаблі (90 км ад Мінска).

Крытэры для ўдзельнікаў:

• узрост ад 18 да 31 гадоў;
• актыўная жыццёвая пазіцыя;
• жаданне правесці 4 самых незабыўных дні за лета
• унёсак за ўдзел у памеры 250 000 бел. руб.

1. Каб стаць удзельнікам праекта, трэба запоўніць анкету. Заяўкі прымаюцца да 7 жніўня 2014 года.
2. Абавязкова далучыцца да нас у сацыяльных сетках.
3. Чакаць 10 жніўня і сачыць за навінамі на нашым сайце і ў сацыяльных сетках.
4. Да 10 жніўня мы звяжамся з усімі ўдзельнікамі і назначым сустрэчу.
5. Сустрэцца з намі, атрымаць запрашэнне на фэст, зрабіць унёсак для удзельнікаў (250 000 бел. руб.);
6. Прыехаць на фэст 21 жніўня.

Далучайся да Рэмары!