Навучальныя візіты ў польскую Гдыню (кастрычнік-снежань 2014 года)

Навучальныя візіты - гэта цудоўны шанец:

• пазнаёміцца з Польшчай - упершыню альбо бліжэй;
• даведацца пра адміністратыўную і адукацыйную сістэмы гэтай краіны;
• пабачыць польскія уладу, бізнэс і СМІ праз розныя пункты гледжання;
• наведаць дзяржаўныя і грамадскія ўстановы Польшчы;
• зразумець практычую дзейнасць ў польскіх арганізацыях;
• адчуць польскую культуру і гісторыю;
• вывучыць трохі польскую мову праз жывыя размовы.

Фундатар праекта - Гарадскі савет Гдыні.

Профіль удзельнікаў навучальнага візіту:

• узрост: 18+;
• актыўныя і ініцыятыўныя;
• студэнты, грамадскія актывісты і прадстаўнікі мясцовых НДА;
• грамадзяне Беларусі, Украіны, Малдовы і Расійскай Федэрацыі
• (толькі жыхары Калінінградскай вобл.);
• вольна валодаюць рускай мовай.

Мэта праекта:

Паказаць дэлегатам развіццё Польшчы ад моманту падзення камунізму да ператварэння ў паўнавартасную еўрапейскую краіну.

Праграма навучальнага візіту складаецца з нефармальных сустрэч з палітыкамі, прадстаўнікамі грамадскіх арганізацый, польскімі студэнтамі і іншымі актывістамі, што дазваляе ўсталяваць жывыя зносіны, задаць шматлікія пытанні і паглядзець знутры на дзейнасць розных устаноў.

Удзельнікам прапануецца ў рамках праекта:

• пакрыццё коштаў праезду да Гдыні і вяртання дамоў;
• пражыванне ў інтэрнаце і харчаванне;
• усе выдаткі, звязаныя з мерапрыемствамі праграмы;
• падтрымка ў атрыманні шэнгенскай візы.

Працоўная мова праекта - руская.

Падача заявак і ўдзел у візіце - бясплатныя.

Восенню 2014 года запланавана два навучальных візіты ў Гдыні ў датах:

• 13-24 кастрычніка 2014 года;
• 24 лістапада - 5 снежня 2014 года.

Кандыдаты павінны запоўніць анкету-заяўку праз Google-форму: http://goo.gl/1YTxKr.

Апошні тэрмін прыёму заявак: 11 ліпеня 2014 года.

Калі ласка, азнаёмцеся з поўным апісаннем праекта і падрабязнасцямі: http://goo.gl/4ZusUp.

Кантактны адрас электроннай пошты: [email protected].

Аб арганізатарах навучальных візітаў:

"Цэнтр супрацоўніцтва моладзі" (Centrum Współpracy Młodzieży) ў Гдыні - польская недзяржаўная і незалежная арганізацыя, якая працуе з моладдзю, лідарамі грамадскіх арганізацый і моладзевых груп у Польшчы ды іншых краінах. Галоўная місія цэнтра - падтрымка развіцця дэмакратычнага і адкрытага грамадства як у Польшчы, так і за яе мяжой.