Дашлі сваю гісторыю і выйграй планшэт

"Сябры! Скончыўся наш конкурс "1939 год у памяці жыхароў Беларусі", зараз усе працы разглядаюцца аргкамітэтам, і мы неўзабаве абвесцім пераможцаў. Аднак, мы таксама атрымалі працы, якія не адпавядаюць фармату конкурса. Гэта проста гісторыі жыцця запісаныя ад старэйшага пакалення. Мы разумеем, што кожная гісторыя каштоўная і не можам не звярнуць увагу на гэтыя працы", - зазначаюць у БАВГ.

Таму аргкамітэт конкурса вырашыў абвесціць пазаконкурсную частку. Тым, хто мае жаданне расказаць гісторыю сваей сям’і, сваіх бабуль і дзядуль, прапануецца дасылаць свае працы. Гэта можа быць эссэ, фільм ці фотагісторыя - любыя творчыя ідэі прымаюцца. Абмежаванняў няма. Да ўдзелу запрашаюцца ўсе жадаючыя ва ўзросце ад 14 да 20 гадоў.

Тыя, хто зойме першыя месцы, атрымаюць каштоўныя прызы, пераможцу дастанецца планшэт.

Працы прымаюцца да 15 ліпеня 2014 года па адрасе электроннай пошты: [email protected] ці на паштовы адрас МГА "Гісторыка": 220000, г. Мінск, а/с 128 (з пазнакай "Конкурс"). Пытанні можна задаць па нумарах тэлефона: (+375 29) 3975215 (Вольга), (+375 29) 3583184 (Павел).