Тэма наступнага "Моладзевага кафэ" - "Майстэрства прэзентацый. Мова цела"

"Майстэрства прэзентацый. Мова цела"- тэма наступнага "Моладзевага кафэ", якое адбудзецца 14 чэрвеня 2014 года з удзелам трэнера і выкладчыка акторскага майстэрства, заснавальніка і кіраўніка срэднявечнага тэатра "Шальмоўскі Тэатр ДыГрыза" Аляксея "Бекара" Бурнасенка.  

Мэта мерапрыемства:

Авалоданне ўдзельнікамі навыкамі паспяховых публічных (сама-)прэзентацый для падвышэння эфектыўнасці дзейнасці сваіх арганізацый/ініцыятыў/супольнасцей.

На мерапрыемстве вы:

• даведаецеся, як зрабіць паспяховую прэзентацыю вашых ідэй для розных груп (структура выступу, "мова" выступу, выкарыстанне дадатковых сродкаў);
• адпрацуеце навык правядзення публічных прэзентацый перад жывой групай;
• даведаецеся, як працаваць з групай падчас вашай прэзентацыі (зрокавы кантакт, мова цела);
• атрымаеце магчымасць пракаментаваць выступы вашых калег і атрымаць зваротную сувязь па вашым выступам ад эксперта і групы. 

Час і месца правядзення:

• 14 чэрвеня (субота), з 12.00 да 16.00.
• Крэатыўная прастора "ЦЭХ" (Мінск, прасп. Незалежнасці, 58, 2-гі паверх).

Для ўдзелу ў мерапрыемстве вам неабходна:

• Запоўніць анлайн-заяўку;
• Выканаць і даслаць да 11 чэрвеня 2014 года на электронную скрыню: [email protected] 2-а невялікіх заданні, з якімі вы і будзіце працаваць падчас мерапрыемства:

1. Ваш "Тэставы спіч" - невялікі выступ, прызначаны для прэзентацыі пэўнае ідэі, думкі ці адносін. Выступ мусіць прапагандаваць выбраную вамі ідэю, пераўпэўніваць слухача ў ёй, дабівацца максімальнага даверу публікі да вас як носьбіта гэтае ідэі.

Памер выступу: ад 10 да 15 сказаў (паўстаронкі А4), працягласць па часе да 4-х хвілін, тэкст выступа трэба будзе вывучыць (маць мажлівасць перасказаць) і мець на "Маладзевае кафэ". Абавязкова выслаць тэкст ў заяўцы на ўдзел у мерапрыемстве.

2. Другое заданне - апісаць ваш звычайны алгарытм падрыхтоўкі да прэзентацыі. З моманту з’яўлення ідэі прэзентацыі і да моманту непасрэдна заканчэння прэзентацыі. Апішыце гэта як алгарытм: без дужай колькасьці падрабязнасцей, але з усімі неабходнымі пунктамі.

Па ўсіх пытаннях звяртайцеся на адрас электронная пошты: [email protected].