Анлайн-маніторынг парушэнняў правоў студэнтаў ва ўніверсітэтах

МПГ “Студэнцкая Рада” запускае анлайн-маніторынг, дзе кожны студэнт, які сутыкнуўся з парушэннем правоў студэнтаў, можа пакінуць інфармацыю пра яго і адзначыць месца парушэння на мапе.

Навошта мы гэта робім?

Алесь Крот, адзін з каардынатараў “Студэнцкай Рады” распавядае: ”Маніторынг парушэнняў правоў студэнтаў і акадэмічных свабод прадназначаны для папярэдняга збору, апрацоўкі і аналізу інфармацыі аб парушэннях, каб разумець тэндэнцыі ў адукацыйнай сферы. Вынікі маніторынга з аналізам парушэнняў будуць перыядычна публікавацца на сайце арганізацыі. Каб дапамагчы ў зборы інфармацыі, студэнтам трэба толькі запоўніць анлайн-анкету ў Інтэрнэце. Анкета поўнасцю ананімная, а асабістая інфармацыя можа быць апублікаваная толькі са згоды чалавека, які даслаў гэтую інфармарцыю”.

Пазнаёміцца з ужо зафіксаванымі парушэннямі альбо заставіць сваё можна па спасылцы.

Далучайцеся да маніторынга, пакідайце інфармацыю пра парушэнні, сведкамі якіх вы сталі!