Публічныя лекцыі "Urbi et Orbi": Аляксей Фралоў

ЦЫКЛ ПУБЛІЧНЫХ ЛЕКЦЫЙ "URBI ET ORBI"

Аляксей Фралоў

"БЕЛАРУСКАЯ МУЗЫЧНАЯ АТЛАНТЫДА:
ПЕРСПЕКТЫВЫ Ў КАНТЭКСЦЕ КУЛЬТУРНЫХ І АНТЫКУЛЬТУРНЫХ ПРАЦЭСАЎ"

  29 траўня ў 18.30

Галерэя "Ў"
(г. Мінск, прасп. Незалежнасці, 37а)

Гісторыю беларускай музыкі даследчыкі пачалі адкрываць адносна нядаўна. Чамусьці ў савецкі час мы маглі бачыць хоць бы рэшткі беларускай старажытнай архітэктуры, жывапісу, скульптуры, былі знаёмыя з помнікамі літаратуры, але практычна нічога не ведалі пра нашу музычную спадчыну. Шмат якія музычныя жанры, творы, прозвішчы кампазітараў у савецкай гісторыі беларускай музыкі проста не існавалі. На шчасце, сёння мы ўжо можам казаць пра багатую музычную культуру Беларусі, развітую сістэму жанраў, існаванні на нашых тэрыторыях некалькіх цэнтраў музычнага жыцця і пра вельмі цікавых аўтараў-кампазітараў.

Якім чынам была адкрыта гэтая "музычная Атлантыда" Беларусі? Хто "героі нашага часу" - даследчыкі, якія зрабілі сенсацыйныя знаходкі датычна адкрыцця новых фактаў, нот, імён? Як развівалася беларуская музычная культура, пачынаючы з XV стагоддзя? Які культурна-гістарычны кантэкст неабходны сёння, каб гэта развіццё працягвалася?

29 траўня 2014 года ў межах цыкла публічных лекцый "UrbietOrbi" Лятучы універсітэт і Міжнародны кансорцыум "ЕўраБеларусь" запрашаюць на лекцыю даследчыка музыкі, культуролага і краязнаўцы Аляксея Фралова "Беларуская музычная Атлантыда: перспектывы на фоне культурных і антыкультурныя працэсаў". Лекцыя адбудзецца ў Галерэі "Ў" (Мінск, прасп. Незалежнасці, 37а).Пачатак у 18.30.Уваход вольны!

Арганізатары забяспечваюць таксама анлайн-трансляцыю.

Чытайце таксама інтэрв’ю з лектарам напярэдадні.

UPD.: Відэазапіс публічнай лекцыі: