Навуковая вандроўка з новага цыкла "Вера Беларусі"

Вандроўка першая, касмаганічная, пад назвай "У цэнтры свету, на ўскрайку свядомасці" адбудзецца 24 траўня 2014 года.

Ехалі мы логам,
Сустрэліся з Богам,
Ехалі мы лесам,
Стрэліся з Вялесам,
А казаў нам Божа:
"Ці добра ж вам будзе?"

(з Уладзіміра Караткевіча)

Падарожжа ў складках прасторава-часавага кантынуўму ў спадзяванні пабачыць цмакоў (ці іх сляды); святых (ці іх сляды); даследаваць замкавыя таямніцы (ці іх сляды); легендарныя гарады, храмы і корчмы (ці вазёры, ў якія яны паправальваліся); пакаштаваць вадзіцы з жывой крыніцы, а таксама даведацца, хто, дзе і навошта ствараў сусвет і беларускія краявіды.

Парталы ў падпрастору і ў пятае вымярэньне будзем шукаць у пунктах на сакральных лініях, якія праходзяць праз Валожыншчыну, Вілейшчыну і Лагойшчыну.

Каб патрапіць, тэлефануйце: (+375 29) 1802838, Святлана.