Фестываль моладзевай журналістыкі "Твой Стыль" у Гродна

Ужо з’явілася падрабязная праграма мерапрыемства - з выставамі, майстар-класамі, прэзентацыямі і ток-шоў, а таксама канцэртам.

Арганізатарамі фестывалю з‘яўляюцца грамадскія аб’яднанні “Цэнтр "Трэці Сектар" і "Беларуская асацыяцыя журналістаў".

Госці фестывалю пабачаць выставу маладых беларускіх фатографаў BYNOW, сустрэнуцца з жывымі класікамі беларускай дакументалістыкі Галінай Адамовіч і Алегам Дашкевічам, пройдуцца ў экскурсіі па "журналісцкай Гародні", змогуць пагуляць у настольныя гульні і навучыцца скакаць на джампах, паўдзельнічаюць у карысных майстар-класах.

Вядучыя майстар-класаў - лепшыя журналісты-прафесіяналы з Беларусі і суседніх краін. Нашымі экспертамі ў гэтым годзе будуць: Яўген Валошын (журналіст "Еўрарадыё"), расійска-ўкраінскі медыя-эксперт Дзмітрый Сурнін (да 2012 года - рэдактар маскоўскай газеты "Мой раён"), шэф-рэдактар ​​ForbesRussiaOnline Аляксандр Багамолаў, Вольга Тамашэўская (піяр-мэнэджар Бізнес-школы ІПМ, журналістка з 20-гадовым стажам), дызайнер інфаграфікі TUT.BY Вадзім Шмыгаў і іншыя (поўны спіс з інфармацыяй пра экспертаў глядзі на старонцы фестывалю старонцы фестывалю).

Гэтаксама ў межах фэсту пройдзе ўзнагароджанне пераможцаў “ФотаБатлу” і конкурса для маладых журналістаў.

Падарункам для ўдзельнікаў стане канцэрт дуэта Паўла і Алены Аракелянаў - блюз, фанк і джаз па-беларуску і па-англійску чакае ўдзельнікаў другога дня фэсту.

Пацвердзіць свой удзел у фестывалі можна тут. Удзел бясплатны.

Поўную праграму глядзіце на старонцы фестывалю: 3sektar.by/fest2014.

Пытанні можна дасылаць на адрас электроннай пошты: [email protected].