Публічныя лекцыі "Urbi et Orbi": Міхаіл Баярын

ЦЫКЛ ПУБЛІЧНЫХ ЛЕКЦЫЙ "URBI ET ORBI"

Міхаіл Баярын

"УЗОРЫ СВАДЗЕІ. МЕТАФІЗІКА МОВЫ"

  16 траўня ў 18.30

Галерэя "Ў"
(г. Мінск, прасп. Незалежнасці, 37а)

"Сучасны чалавек звыкся, што свядомасць - гэта люстэрка, у якім адбіваецца рэчаіснасць. Што ўсе рэчы маюць рэальнае існаванне, а мы толькі люстэрка, у якім яны паказваюць сябе. Але ёсць іншы падыход. Рэчы, якія мы бачым вакол, гэта плён творчасці нашай свядомасці. Свядомасць стварае сэнсы, а з сэнсаў створанае ўсё..."

Міхаіл Баярын,
з інтэрв'ю напярэдадні лекцыі

Лекцыя будзе прысвечана ўводзінам у Актыку - распрацаваную лектарам канструктыўную тэорыю сэнсу, што разглядае свет як праяву сэнсавай Прамовы, з якой утвараюцца ўсе іншыя мовы.

"Узоры Свадзеі", паводле меркавання Міхаіла Баярына, - гэта скрайняя канструктыўная тэорыя. Канструктыўнасць яе ў падыходзе, які мае на ўвазе пошук адказаў на пытанне: "Як гэта зрабіць?", а не "Што гэта?" ці "Якое яно?" Скрайнасць жа складаецца ў пастаноўцы задачы: з найменшага, аднаго зрабіць найбольшае, усё.

"Узоры Свадзеі" - гэта светагляд, у якім сэнс паўстае прыродай і вытворам свядомасці, а не адлюстраваннем і абагульненнем знешніх аб’ектаў. Свядомасць жа выступае тут стваральнікам рэальнасці, а не яе вынікам.

Лекцыя "Узоры Свадзеі. Метафізіка Мовы" адбудзецца 16 траўня 2014 года, у пятніцу, у Галерэі "Ў" (Мінск, прасп. Незалежнасці, 37а). Пачатак у 18.30. Уваход вольны!

Чытайце таксама інтэрв’ю з лектарам напярэдадні.

UPD.: Відэазапіс публічнай лекцыі: