Фотавыстава пра Беларусь у Будапешце

Ідэя і тэматыка:

Парныя здымкі Беларусі і любой іншай краіны свету (Еўропы), якія ілюструюць падабенства Беларусі да іншых краінаў. Глядач павінен задумацца, які з фотаздымкаў зроблены ў Беларусі, а які - у іншай краіне.

Змест здымкаў:

Будынкі, людзі, святы, прырода, лад жыцця і інш. Перавага аддаецца "парным" здымкам: адзін - з Беларусі, адзін - з іншай краіны, але прымаюцца асобныя здымкі.

Месца правядзення:

Будапешт (Венгрыя), будынак Цэнтральна-еўрапейскага ўніверсітэта.

Умовы:

Выстава не з’яўляецца камерцыйным праектам і будзе адкрытая для ўсіх наведвальнікаў, таму ганарары не прадугледжаны. Імёны аўтараў здымкаў пазначаюцца і прэзентуюцца. Аўтары павінны даць дазвол на выкарыстанне іх фотаздымкаў у мэтах выставы з пазначэннем аўтарства.

Просім дасылаць фотаздымкі і ўсе пытанні да 18 траўня 2014 года на адрас электронная пошты: [email protected] (Алена).