"Urbi et Orbi" у Магілёве: Андрэй Казакевіч

Дырэктар Інстытута палітычных даследаванняў "Палітычная сфера", палітолаг Андрэй Казакевіч прапануе паразважаць пра асаблівасці фарміравання беларускага нацыянальнага руху (канец ХІХ - пачатак ХХ стагоддзя).

Лекцыя "Пачаць пісаць па-беларуску. Беларускае адраджэнне канца ХІХ - пачатку ХХ стагоддзя ў рэгіянальным і сацыяльным вымярэнні" грунтуецца на аналізе біяграфій прадстаўнікоў беларускага культурнага руху, якія пачалі публіцыстычную ці літаратурную дзейнасць на беларускай мове ў перыяд паміж 1880 і 1918 гадамі (каля 100 асоб). У прыватнасці, будзе разгледжана геаграфія нараджэння, узрост далучэння да культурнага руху, сацыяльнае паходжанне, адукацыйны ўзровень, прафесійны склад, працягласць жыцця, прычыны смерці і некаторыя іншыя параметры.

Паводле меркавання даследчыка, праведзены аналіз дазваляе выявіць некаторыя істотныя рэгіянальныя і сацыяльныя асаблівасці прадстаўнікоў беларускага руху і больш дэталёва разумець нацыятворчы працэс на мяжы ХІХ і ХХ стагоддзяў.

Лекцыя Андрэя Казакевіча "Пачаць пісаць па-беларуску. Беларускае адраджэнне канца ХІХ - пачатку ХХ стагоддзя ў рэгіянальным і сацыяльным вымярэнні" адбудзецца 17 траўня 2014 года ў Магілёўскім "Тэхнапарку" (вул. Ленінская, 63, ауд. 807), пачатак у 15.00. Уваход вольны!

Больш пра цыкл "Urbi et Orbi" можна даведацца на старонцы: http://fly-uni.org/urbi-et-orbi.