Навуковае падарожжа з Сяргеем Харэўскім: у пошуках трэцяй беларускай праўды

Маршрут падарожжа:

Мінск - Ліда - Маламажэйкава - Ішчална - Шчучын - Ліда - Мінск.

"Выбіраў жаўнер трэцю сцежачку, бо вяла яна ў родну межачку", пяецца ў народнай песне.

Былі ў маці тры сыны: старэйшы - паляк, сярэдні - літовец, а малодшы - беларус. Дзе такое магло адбыцца? У краі між Ліпічанскай і Катранскай пушчамі, у маёнтку Лябёдка сям’і Іваноўскіх, што на Шчучыншчыне. Туды мы і скіруемся гэтым разам у пошуках нашай трэцяй, беларускай, праўды. А таксама ўбачым помнікі старажытнага Шчучына, гатычны храм-крэпасць XV ст. у Мураванцы, адзіны ў Беларусі гістарычны сонечны гадзіннік пры касцёле ў Ішчалне. І ўбачым, як растуць тыя кветкі, што мы купляем у аптэках, на палях. Вялізарныя палі лекавых раслін! Яны, напэўна, ужо квітнеюць!

Дабрачынны ўнёсак: 220 тыс. рублёў. Дзецям да 15 гадоў - зніжкі.

Даведкі па нумары тэлефона: (+375 29) 1802838, Святлана.