Праграма ад Лятучага ўніверстэта на Мінскім форуме вулічных тэатраў (абноўлена)

Пагаворым не толькі пра форму, але і пра змест тэатральнага мастацтва.

Дапамогуць: Аляксей Стукін, Аляксандр Сарна, Дзмітрый Масцяніца, Фларыяна Габер, Ігар Духан, Ганна Выгонная, Уладзімір Мацкевіч, Сяргей Харэўскі, Ілля Сін.

Праграма ад Лятучага ўніверсітэта распачнецца яшчэ 8 траўня і будзе цягнуцца да сканчэння Форума.

Месца правязення - Центр сучасных мастацтваў.

Праграма мерапрыемстваў ад Лятучага ўнівесітэта:

8 траўня

Рыхтуемся да форума вулічных тэатраў.
Асвойваем тэхнікі, падыходы і тонкасці вулічнага мастацтва.

14.00: Аляксандр Сарна. Майстар- клас па перформансу

Паспрабуем "улезці" ў шкуру "перформера" і паспрабаваць, што і як! Гледачам будзе прадастаўлена магчымасць самім паспрабаваць свае сілы ў засваенні аднаго з самых запатрабаваных жанраў актуальнага мастацтва. Мы будзем спрабаваць і шукаць сябе ў інтэрактыўным фармаце па трох накірунках: уласнае цела, даступны рэквізіт, а таксама тыя, хто побач, - іншыя гледачы.

// Аляксандр Сарна, філосаф, перформер і медыя-тэарэтык //

16.00: Дзмітрый Масцяніца. Майстар- клас па пластыцы мяккага цела

Разам з Дзмітрыем будзем даследаваць узаемасувязі цялеснай свабоды і свабоды псіхалагічнай у рэжыме сустрэчы-гутаркі з практычнымі элементамі.

// Дзмітрый Масцяніца, рэжысёр эксперыментальнага тэатра "Eye" //

20.30: Фларыяна Габер. "Вулічны тэатр Еўропы ўчора і сёння"

На форуме Фларыяна Габер прачытае адкрытую лекцыю аб стане вулічных мастацтваў у Еўропе і ў Францыі, у прыватнасці. Эксклюзіўны пераклад аднаго з крытычных артыкулаў Фларыяны можна прачытаць у IX выпуску альманаха "Дзверы".

// Пры падтрымцы пасольства Францыі ў Рэспубліцы Беларусь.

Фларыяна Габер, прафесійны крытык вулічных мастацтваў, аўтар двух манаграфій па гісторыі вулічнага мастацтва (Францыя) //

9 траўня

Тэатр, які вырастае з культуры і становіцца культурай.
Культура і мастацтва ў тэатры, "народнае" і "высокае", унікальныя імёны, стылі і тэхнікі.

13.00: Ігар Духан. Лекцыя "Тэатр і прастора: Леон Бакст"

Лекцыя будзе прысвечана Леону Баксту, які нарадзіўся ў Гродна, а сваю славу здабыў як мастак "Рускіх сезонаў" Сяргея Дзягелева. Працы Леона Бакста сталі не толькі з’явай тэатральнага мастацтва, але і важным фактарам мастацкіх традыцый ХХ стагоддзя. Стыль Бакста знайшоў свой працяг нават у тэндэнцыях парыжскай моды таго часу.

У тэатры Леона Бакста неакласіцызм увайшоў у парадаксальныя і нечаканыя судатыкненні з арыентальнымі матывамі і крыцкімі палацавымі вобразамі. У лекцыі будзе паказана сувязь прасторы і цела ў тэатральнай сцэнаграфіі Бакста, пластычнае развіццё вобразу мадэрнісцкіх жанчын - Тамары Карсавінай і Іды Рубінштэйн.

// Ігар Духан, загадчык кафедры мастацтваў Беларускага дзяржаўнага ўніверсітэта, доктар філасофскіх навук, канд. архітэктуры. Член Еўрапейскага таварыства культуры, Міжнароднага і Беларускага саюза дызайнераў, Беларускага Саюза архітэктараў, Акадэміі архітэктуры і інш.//

15.00: Ганна Выгонная. Майстар-клас "Чароўная скрыня Батлейка"

"Батлейка - чароўная скрыня" - лялечны тэатр для народа? Як у батлейцы - Віфлеемцы паказаная мадэль сусвету? Якім чынам гэты лялечны тэатр захаваў традыцыі сярэднявечных містэрый? Што ёсць агульнага паміж батлеечнымі інтэрмедыямі і іезуіцкім школьным тэатрам? Чаму самая старажытная батлейка "Ельнінскі вяртэп" захоўваецца ў Маскоўскім музеі? Якім чынам у канцы ХХ стагоддзя адноўлены народны тэатр ператварыўся ў любіцельскі тэатр інтэлігенцыі? Як у Мірскай батлейцы ажылі падзеі з гісторыі Міра і Нясвіжу? Што ёсць агульнага паміж старадаўняй лялечнай скрыняй і сучасным 5D? У межах майстар-класа будзем разам шукаць адказ на гэтыя пытанні.

// Выгонная Ганна Альбертаўна, мастак-рэстаўратар, аматар "Мірскай Батлейкі" //

10 траўня

Тэатр - еўрапейская культура - чалавек.
Разважанні пра мінулае і будучыню тэатра, пра яго ролю і ўплыў, пра магчымасці і сродкі.

11.30: Уладзімір Мацкевіч. Лекцыя "Тэатр і пачатак еўрапейскага мыслення"

Місія і задача сучаснага тэатра не ў тым, каб зноў стаць агульнанароднай забавай, у наш час у людзей досыць забаў і без тэатра. Місія тэатра ў іншым - у развіцці свядомасці і інтэлектуальных здольнасцей чалавека. Менавіта інтэлектуальных, складовай часткай якіх з’яўляецца эстэтыка і пачуццё густу, але толькі чаcткай. А яшчэ ёсць рэфлексія, і эмпатыя, і разуменне. У Старажытнай Грэцыі, у Сярэднявеччы тэатр не проста забаўляў. Чалавецтва праз тэатр вучылася адрозніваць ролі і выканаўцаў, міфалагічныя сюжэты і іх падабенства ў штодзённым жыцці, вучылася аналізаваць пачуцці іншых людзей, іх матывы і ўчынкі. Сучасны тэатр павінен і можа рабіць тое ж самае.

Тэатр не толькі вучыць, але і сам вучыцца - даследуе, прэпаруе і аналізуе сучаснага чалавека, які адрозніваецца ад чалавека былых часоў. Пра тое, як тэатр рабіў усё гэта ў мінулым, як ён робіць гэта цяпер, і пойдзе гаворка ў нашым абмеркаванні.

// Уладзімір Мацкевіч, філосаф, метадолаг, стваральнік Лятучага ўніверсітэта //

14.00: Аляксандр Сарна. Лекцыя "Крэатыў пад адкрытым небам"

Магчымасць арт-інтэрвенцый сёння выяўляецца як у разнастайнасці форм мастацкага актывізма (стрыт-арт, перформансы і хэпэнінг, вулічны тэатр), так і паўсядзённых практык (гарадскі рух і псіхагеаграфія).

На лекцыі будзе зроблена спроба ацаніць сучасную сітуацыю ў паблік-арт у сувязі з перафарматаваннем самой публічнай прасторы пад уплывам новых медый.

// Аляксандр Сарна, кандыдат філасофскіх навук, філосаф і медыя-тэарэтык //

11 траўня

Горад як прастора жыцця культуры.
Гарадская культура - спосаб самаідэнтыфікацыі, самавыяўлення і самапазнання.

12.00: Сяргей Харэўскі. Лекцыя "Гарадская прастора як культурны канструкт беларускай ідентычнасці"

Горад, мастацтва і паўставанне нацыі. Як звязаныя паміж сабой гэтыя рэчы? Сяргей Харэўскі сцвярджае, што Мінск - гэта город мастакоў і мастацтва, а мастасцтва - гэта і ёсць падмурак гарадской культуры, неабходны інгрыдзіент гарадскога жыцця і камунікацыі, вулічнай культуры. А ў сваю чаргу гарадская культура - ёсць аснова нацыянальнай ідэнтычнаці і еднасці. Вось такі ланцужок.

Пра тое, як праз развіццё мастацва і грарадской культуры паўставала беларуская нацыя, можна будзе пачуць на лекцыі Сяргея Харэўскага.

// Сяргей Харэўскі, беларускі літаратар, гісторык мастацтва і культуролаг //

15.00: Дыскусія "Інтэрвэнцыя сучаснага мастацтва ў публічную прастору: proetcontra?"

Быў час, калі сучаснае мастацтва імкнулася захапіць прастору ў галерэях, а калі атрымаецца, дык і ў музеях. Але цяпер трэнд прынцыпова іншы - выйсці на вуліцу і зліцца з паўсядзённым жыццём. Чым ён абумоўлены: шчырай інтэнцыяй "эгалітарызаваць" элітарную дагэтуль зьяву, альбо... проста павевамі моды? Што могуць набыць і што страціць аўтарскія практыкі, апынуўшыся сярод звыклых праяваў паўсядзённага жыцця? І ўрэшце: ці здатны той трэнд выканаць сваю галоўную заяўленую мэту: неяк паўплываць на грамадства?

// Мадэатар: дырэктар Тэатра псіхічнай неўраўнаважанасці Ілля Сін //

Мінскі форум вулічных тэатраў праводзіцца з 2013 года. Яго ўдзельнікамі з’яўляюцца вулічныя тэатры і перфомеры з Беларусі, бліжняга і дальняга замежжа. Цягам некалькіх дзён тэатры ствараюць на вуліцах Мінска відовішчныя і тэатральныя шоў. Тыя, хто жадае пазнаёміцца з тэатральным мастацтвам бліжэй, могуць прыйсці на пляцоўкі майстар-класаў ад удзельнікаў праекта.