Прэзентацыя і дыскусія ў Гродна (абноўлена)

Звяртаем вашу ўвагу, што месца правядзення мерапрыемства змянілася! Прэзентацыя і дыскусія адбудуцца 24 красавіка 2014 года ў Гродна па адрасе: вул. Будзёнага, 48а-63. Пачатак у 19.00. Уваход вольны!

Нядаўна  ў Беларусі адбыліся чарговыя выбары ў мясцовыя саветы дэпутатаў. Цягам апошняга дваццацігоддзя змянілася стаўленне актыўнай часткі грамадства да выбараў ды  і ўнутры саміх мясцовых органаў улады адбыліся змены. Апошняе даследаванне Інстытута "Палітычная сфера" "Рэгіянальныя эліты ў Беларусі: эвалюцыя ў 1999-2014 гадах на прыкладзе абласных саветаў" адсочвае важныя тэндэнцыі на рэгіянальным ўзроўні і дае дадатковыя падставы для абмеркавання саміх ведаў пра рэгіянальныя эліты і стаўлення да іх.

Што новага прыносяць даследаванні мясцовых эліт? Што змяняюць гэтыя  веды ў разуменні сучаснага стану грамадства?

Ці з’яўляюцца гэтыя веды карыснымі для прадстаўнікоў мясцовай грамадзянскай супольнясці?

Каго сёння можна аднесці да эліт і як іх даследваць?

Андрэй Казакевіч (дырэктар Інстытута "Палітычная сфера") і Вадзім Смок (даследчык, супрацоўнік Інстытута "Палітычная сфера") распавядадуць пра вынікі апошняга даследавання, а таксама аб даследчай і выдавецкай дзейнасці Інстытута палітычных даследванняў "Палітычная сфера".

У дыскусіі па выніках даследавання прымуць удзел: Аксана Шэлест (Мінск), Алесь Смалянчук (Гродна), Сяргей Токць (Гродна), Іна Соркіна (Гродна), а таксама іншыя прадстаўнікі гродзенскай інтэлектуальнай і грамадзянскай супольнасці і медыяў.

Прэзентацыя і дыскусія адбудуцца 24 красавіка 2014 года ў Гродна па адрасе: вул. Будзёнага, 48а-63. Пачатак у 19.00. Уваход вольны!