XI Нацыянальны конкурс школьных каманд "Што я ведаю пра Еўропу?"

Ужо дзесяць гадоў Беларусь суседзіць з Еўрапейскім Саюзам, дзякуючы самаму шырокаму пашырэнню гэтай супольнасці ў 2004 годзе.

Дзесяць краін, у тым ліку тры нашы суседкі, далучыліся дзесяць гадоў таму да Еўрапейскага Саюза. Як змянілася за гэты час іх жыцце? Што яны набылі і што страцілі? Як складваюцца іх адносіны з Беларуссю? Гэтыя пытанні будуць вызначаць тэматыку заданняў сёлетняга конкурса.

Конкурс 2014 года будзе праходзіць у два этапы:

• 1 этап - "Дзесяць гадоў у ЕС": інтэрнэт-заданні, накіраваныя на развіццё навыкаў аналітычнага і творчага мыслення.
• 2 этап - "Жывая" фінальная гульня для каманд, якія паспяхова прайшлі першы этап.

Конкурсныя заданні арыентаваныя на вучняў 8-10 класаў, каманда складаецца з 5 вучняў і кіраўніка.

Каманда-пераможца конкурса "Што я ведаю пра Еўропу?" будзе ўзнагароджана паездкай у адну з краін Еўрапейскага Саюза. Усе ўдзельнікі атрымаюць памятныя дыпломы.

Фінал конкурса плануецца правесці падчас восеньскіх канікул 2014/2015 навучальнага года.

I заданне:

Прэзентацыя-заяўка каманды пад агульнай назвай "Мы - еўрапейцы".

Прэзентацыя павінна ўтрымліваць наступныя звесткі пра каманду:

• населены пункт і навучальная ўстанова, якія прадстаўляе каманда;
• назва, дэвіз і эмблема (калі ёсць);
• звесткі пра кіраўніка каманды;
• матыў удзелу ў конкурсе;
• кантактныя дадзеныя.

Для выканання далейшых заданняў удзельнікі каманды павінны размеркаваць паміж сабою наступные ролі: палітолаг, гісторык, сацыёлаг, эканаміст, капітан-каардынатар каманды, і прадставіцца ў гэтых вобразах.

Прэзентацыю варта зрабіць у фармаце PowerPoint і адправіць да 21 красавіка 2014 года на адрас электроннай пошты: [email protected].

Чакаем вашага актыўнага ўдзелу ў конкурсе!

Больш падрабязнасцей на сайце конкурса.