Лятучы ўніверсітэт запрашае да супрацы

Абавязкі рэдактара сайта Лятучага ўніверсітэта:

• размяшчэнне на сайце навін і матэрыялаў Лятучага ўніверсітэта;
• збор і публікацыя матэрыялаў, датычных тэмы сучаснага беларускага (і не толькі) мыслення і развіцця ўніверсітэтаў, навін інтэлектуальнага жыцця Беларусі;
• прасоўваньне сайта ў сацыяльных сетках;
• напісанне тэматычных артыкулаў;
• абнаўленне і развіццё сайта.

Патрабаванні:

• Знаёмства з ідэяй і дзейнасцю Лятучага ўніверсітэта;
• Абазнанасць у беларускім інтэлектуальным асяродку, тэндэнцыях універсітэцкага развіцця;
• Добрае валоданне пісьмовай і вуснай беларускай і рускай мовамі, замежныя мовы - вітаюцца;
• Досвед рэдактарскай/журналісцкай працы (пажадана);
• Прасунутае карыстанне камп'ютарам і офіснымі праграмамі;
• Жаданне і гатоўнасць да супрацы ў развіцці Лятучага універсітэта;
• Адказнасць і пачуццё гумару.

Са свайго боку мы абяцаем сустрэчу і супрацу з выбітнымі беларускімі інтэлектуаламі, магчымасць кар’ернага і інтэлектуальнага росту разам камандай, якая мае амбіцыйныя планы на развіццё сваёй краіны, удзел ва ўсіх мерапрыемствах Лятучага ўніверсітэта.

Свае рэзюме, прыклады матэрыялаў і   адказ на пытанне "Якім трэба стаць сайту Лятучага ўніверсітэта ў якасці прасторы беларускага мыслення?" дасылайце на адрас электроннай пошты: [email protected] да 9 красавіка 2014 года (уключна).