Навуковая вандроўка з "Лятучым": падарожжа па легендарнай Барысаўшчыне

Вядучыя вандроўкі: бібліст, багаслоў і філосаф, доктар сакральнай тэалогіі і доктар філасофіі Ірына Дубянецкая і літаратар, гісторык мастацтва і культуролаг Сяргей Харэўскі.

Маршрут вандроўкі:

Мінск - Кішчына Слабада - Старабарысаў - Зэмбін - Барысаў.

Гэтым разам мы выпраўляемся ў край над Бярэзінай, на старажытную Барысаўшчыну. Легендарны горад, заснаваны князем Барысам, атрымаў герб з выяваю Святога Пятра над брамаю, нібы стаўшы на варце іншасвету. У гэтых краях скрыжоўваліся шаблі, штыкі і людзкія лёсы. Тут бывалі вялікія князі Вітаўт і Аляксандар, каралі і расійскія цары, Напалеон і Гітлер. Тут адбываліся вялікія баталіі войскаў, што прыходзілі з розных краёў.

Але, перадусім, легендарная Барысаўшчына - край выбітных людзей. Тут жылі Ганна Цюндзявіцкая, стваральніца кулінарнай энцыклапедыі "Кухарка літоўская", мастачка Надзея Хадасевіч-Лежэ і паэт Ізя Харык, дыпламат Андрэй Грамыка і скульптар Анатоль Анікейчык. Іх памяці і будзе прысвечанае нашае падарожжа ў горад Святога Пятра, у край над Бэрэзінай.

У якасці прыза за актыўны ўдзел - кніга Сяргея Харэўскага "Сто твораў XX стагоддзя".

Дабрачынны ўнёсак: 230 тыс. рублёў. Дзецям да 15 гадоў - зніжкі. У кошт уваходзяць: транспартнае абслугоўванне, лекцыя вядучых, чай-кава з прысмакамі.

Даведкі і запіс па нумары тэлефона: (+375 29) 1802838, Святлана.