Прэзентацыя "Вялікага выбуху ў малой Галілеі" Пятра Рудкоўскага

5 лістапада 2013 года ў кнігарні "логвінаЎ" (Мінск, прасп. Незалежнасці, 37а) адбудзецца прэзентацыя кнігі з удзелам аўтара, а таксама рэдактара кніжнай серыі Алеся Анціпенкі.

Пачатак импрэзы - у 19.00. Уваход - вольны!

Што здарылася на мяжы "старой" і "новай" эры? Што сабой уяўляў духоўны і культурны клімат у грэка-рымскім і юдэйскім свеце ў часе публічнай дзейнасці Ісуса Хрыста? Як фармаваўся Новы Запавет і як выглядаў канон веры першых хрысціян? Што сабой уяўляла ekklesia (царква) у першых стагоддзях? Як фармаваліся асноўныя ідэі і паняцці, якія пачалі з цягам часу ўтвараць дактрынальны корпус хрысціянства? Як выглядалі дачыненні ранняга хрысціянства з элінскай, рымскай ды іншымі культурамі? - гэтым і падобным пытанням прысвечаны гістарычна-філасофскі роздум "Вялікі выбух у малой Галілеі".