Семінар для студэнтаў-юрыстаў і ўсіх зацікаўленых абаронай правоў студэнтаў

Пра што семінар?

Вас пазнаёмяць з тэорыяй і філасофіяй правоў чалавека, правамі студэнтаў у кантэксце правоў чалавека і згодна беларускаму заканадаўству. Вам прапануюць разбор кейсаў (у тым ліку з практыкі юрыдычнай клінікі «Студэнцкай Рады») парушэнняў правоў студэнтаў. А на закуску - прэзентацыя студэнцкіх, праваабарончых арганізацый і юрыдычнай кансультацыі «Студэнцкай Рады».

Вядучыя семінара - маладыя беларускія праваабаронцы і актывісты студэнцкіх арганізацый.

Каго чакаюць на семінары?

Да ўдзелу ў семінары запрашаюцца студэнты-юрысты і ўсе зацікаўленыя ў абароне правоў студэнтаў.

Дзе і калі адбудзецца?

Семінар пройдзе ў Мінску 15 чэрвеня 2013 года, арыентыровачна, з 11.00 да 17.00. Дакладнае месца правядзення будзе паведамлена адабраным удзельнікам.

Анлайн-заяўку запаўняйце тут. Апошні тэрмін падачы заявак: 13 чэрвеня 2013 года.

Спяшайцеся - колькасць месцаў абмежавана! Семінар пройдзе ў Мінску.

Увага! Запаўняючы анкету, вы пагаджаецеся з правілам поўнага ўдзелу ў семінары.

Таксама звярніце ўвагу, што арганізатары не маем магчымасці кампенсаваць праезд для іншагародніх удзельнікаў.

Дадатковыя магчымасці для ўдзельнікаў

Для тых, хто паспяхова пройдзе дадзены семінар, прадугледжана паглыбленае навучанне правам чалавека і правам студэнтаў, а таксама іншыя прапановы ў галіне адукацыі, стажыроўкі і ўдзел у дзейнасці беларускіх і міжнародных праваабарончых і моладзевых арганізацый, а таксама стажыроўка ў юрыдычнай кансультацыі «Студэнцкай Рады».

Даведка

Семінар «Правы студэнтаў простай мовай» ладзяцца прафсаюзнай групай «Студэнцкая Рада» і камандай адукацыйнай праграмы «Правы чалавека «на пальцах».

«Студэнцкая Рада» - прафсаюзная група, была створана ў 2008 годзе як ініцыятыва групы студэнтаў розных навучальных устаноў Мінска.