Фотаконкурс "Магія дзікай прыроды-2013"

Конкурс (размяшчэнне здымкаў) будзе праводзіцца да 1 кастрычніка 2013 года. Падвядзенне і абвяшчэнне вынікаў - да 5 лістапада 2013 года.

Для ўдзелу ў фотаконкурсе неабходна размясціць свае здымкі на сайце Вirdwatch.by, або даслаць іх на адрасы электроннай пошты: [email protected] ці [email protected]. Фотаздымкі прымаюцца і аценьваюцца ў чатырох намінацыях:

• "Магія дзікіх птушак";
• "Магія дзікіх жывёл";
• "Магія МакраСвету";
• "Магія краявідаў".

На конкурс ад аднаго аўтара ці ў суаўтарстве прымаецца неабмежаваная колькасць здымкаў адпаведнага памеру і якасці.

Прамежкавыя вынікі для ўсіх намінацый абвяшчаюцца штомесяц на сайце Вirdwatch.by. Канчатковыя вынікі фотаконкурсу абвяшчаюцца пад час урачыстага адкрыцця Дзён Св. Губерта ў Гродне ў пачатку лістапада 2013 года і на сайце Вirdwatch.by.

Па тры найлепшыя здымкі з кожнай з чатырох намінацый будуць выдрукаваныя ў каляровым календары на 2014 год. Аўтары гэтых здымкаў будуць запрошаныя на афіцыйнае адкрыццё Дзён Св. Губерта у Гродне і ўрачыста атрымаюць: за першае месца ў любой з чатырох асноўных намінацый - 20 календароў; за другое месца - 15 календароў, за трэцяе месца - 10 календароў.

Адміністрацыя першага ў Беларусі Гродзенскага заапарку выбярэ і ўзнагародзіць ваўчарам на бясплатнае наведванне заапарку аўтара(ў) найлепшага здымка фотаконкурсу і найлепшага здымка, зробленага жыхаром Гродна.

Найлепшыя здымкі, пры згодзе аўтараў, могуць быць выкарыстаныя арганізатарамі для стварэння фотавыставы «Магія дзікай прыроды – 2013».

Больш падрабязнасцей на сайце Вirdwatch.by.

Паводле Настаўнік.info