Што рабіць і да каго звяртацца, калі твае правы парушаны?

Шукаем адказы 16 лютага 2013 года на пашыраным семінары "Правы чалавека на пальцах".

У праграме семінара: тэорыя і філасофія правоў чалавека, дзеянні ў абарону грамадскіх інтарэсаў і прававыя механізмы абароны правоў чалавека.

Заяўкі прымаем да 15 лютага 2013 года (уключна)! Не цягніце з падачай - колькасць месцаў абмежавана!

Пра што семінар?

Першая частка семінара - гэта дзве гадзіны пра гісторыю і філасофію правоў чалавека. Пасля мы разам падумаем над метадамі абароны правоў чалавека. У гэтым нам дапаможа інструмент пад назвай "Дзеянні ў абарону грамадскіх інтарэсаў".

Апошняя частка семінара прысвечана прававым механізмам абароны правоў чалавека і грамадзяніна. Гэта будзе асабліва карысна юрыстам і тым, хто хоча прафесійна абараняць правы чалавека.

Таксама мы пагутарым аб прынцыповай розніцы паміж праваабаронцамі і палітыкамі, талерантнасці, большасці і меншасці, свабодзе і пра тое, што правы чалавека - гэта не пра ўсе на свеце, а пра вельмі канкрэтныя рэчы.

Вядучыя праграмы - маладыя беларускія праваабаронцы. Запланаваны ўдзел замежнага эксперта.

Каго мы чакаем?

Да ўдзелу ў праграме запрашаецца беларуская моладзь і студэнты, а таксама ўсе ахвочыя незалежна ад узросту, сацыяльнага палажэння, веравызнання і г.д.

Дзе і калі адбудзецца?

Сустрэча пройдзе 16 лютага 2013 года (субота) з 11.00 да 17.00. Дакладнае месца правядзення будзе паведамлена пасля рэгістрацыі.

Анлайн-заяўку запаўняйце тут. Апошні тэрмін падачы заявак: 15 лютага 2013 года (уключна).

Увага! Удзел ва ўсім семінары абавязковы!

Бонус для ўдзельнікаў

Для тых, хто паспяхова пройдзе дадзены семінар, прадугледжана паглыбленае навучанне, а таксама іншыя прапановы ў галіне адукацыі правам чалавека, стажыроўкі і ўдзел у дзейнасці беларускіх і міжнародных праваабарончых і моладзевых арганізацый.

Даведка

Правы чалавека "на пальцах" - эксперыментальная навучальная праграма, стартавы ўзровень Міжнароднай школы правоў чалавека і грамадзянскіх дзеянняў. Падчас праграмы задаецца і ўзнікае шмат пытанняў, над якімі прапануецца паразважаць самастойна, а таксама з іншымі ўдзельнікамі і вядучымі.

Па ўсіх пытаннях пішыце на адрас электроннай пошты: [email protected].

Далучайцеся ў ВКонтакте, Facebook, Twitter.