Стыпендыі Erasmus Mundus 2013-16 гадоў для навучання ў Познані (Польшча)

Прапанаваныя ўніверсітэты для вучобы ўваходзяць у склад аб’яднання EMINENCE (у Польшчы гэта Університэт ім. Адама Міцкевіча ў Познані).

Праграма, акрамя штомесячнай стыпендыі, пакрывае выдаткі на страхоўку, плату за вучобу, а таксама кошты падарожжаў да і з месца пражывання.

Перадусім стыпендыя будзе прызначына для г.зв. групы TG3 (асобам, якія палітычна пераследуюцца, якіх выключылі з-за палітычнай і грамадзкай актыўнасці з універсітэта, палітычным уцекачам, дакладныя крытэрыі гэтых асобаў напісаныя ніжэй).

Стыпендыя будзе скіраваная для атрымання ступені бакалаўрыята (максімум 36 месяцаў) ці магістратуры (максімум 24 месяцы).

Падрабязнасці глядзіце тут.

Target Group 3 - гэта грамадзяне Беларусі, Украіны, Малдовы, Арменіі, Грузіі ці Азербайджана, які знаходзіцца ў асабліва небяспечным становішчы з-за сацыяльных і палітычных прычын.

• Заяўнік мусіць мець статус уцекача (міжнародны статус уцекача або ў адпаведнасці з нацыянальным заканадаўствам адной з еўрапейскіх краін);
• Заяўнік мусіць мець палітычны прытулак (міжнародны або ў адпаведнасці з нацыянальным заканадаўствам адной з еўрапейскіх краін);
• Заяўнік можа даказаць, што ён/яна быў/ла аб'ектам неабгрунтаванага выключэння з універсітэта па расавых, этнічных, рэлігійных, палітычных матывах, палавой дыскрымінацыі або сэксуальнай арыентацыі;
• Заяўнік належыць да нейкай нацыянальнай ці этнічнай групы, і церпіць ад рэалізаванай нацыянальнай палітыкі ў краіне ці стаў ахвярай перасялення з-за нацыянальнай прыналежнасці.

Заяўнік павінен мець:

• Атэстат аб заканчэнні сярэдняй школы, які дае права на пачатак вучобы ва ўніверсітэтах Еўропы (поўны бакалаўрыят - ВА) або
• Бакалаўрыят (ВА) або эквівалент дыплома, які дае права на пачатак вучобы ў магістратуры (поўны магістэрскі дыплом - MA) або
• MA або эквівалент дыплома, які дае права на пачатак дактарантуры ў Еўропе (поўны PhD) або павінен быць залічаны ў аспірантуру ў сваёй краіне, каб мець магчымасць працягнуць аспірантуру ва ўніверсітэце краін ЕС (PhD максімум 36 месяцы).

Апошні тэрмін падачы заявак: 30 снежня 2012 года.

Паводле adukacyja.info