Конкурс "Нельга забыць: Ці складана быць палякам?"

У гэтым годзе арганізатары хацелі б заахвоціць прадстаўнікоў польскай дыяспары апісаць адносіны сваякоў і блізкіх з іншымі народамі і этнічнымі групамі, якія жывуць побач. Маецца жаданне дзякуючы конкурсу даведацца пра гісторыю гэтых адносін, якім чынам яны ўплываюць на польскую дыяспару, ці яны былі трывалыя і перараслі ў сяброўства, каханне, шлюб ці былі пераважна выпадковыя, нязначныя, паведамляецца на сайце Пасольства Польшчы ў Мінску.

Да ўдзелу ў конкурсе будуць дапушчаны таксама працы, якія дакументальна прадстаўляюць жыццёвы шлях выдатных палякаў - дзеячоў з асяроддзя польскай дыяспары, артыстаў, спартсменаў і інш.

На папярэднія конкурсы было даслана амаль 250 прац. Лепшыя з іх змешчаны на сайце Фонда SEMPER POLONIA. Дзякуючы фінансавай падтрымцы Міністэрства культуры і нацыянальнай спадчыны Рэспублікі Польшча, выбраныя працы ўдзельнікаў 2005 і 2006 гадоў выйшлі ў двух тамах пад назвай "Шляхам нашай спадчыны".

Дасылайце свае працы да 15 лістапада 2012 года.

Пераможцаў чакаюць каштоўныя прызы.

Інфармацыю пра конкурс можна атрымаць у сп. Пятра Каладзея па адрасе электроннай пошты: [email protected], альбо па тэлефону:  +48 22 5056677.

Праект фінансуе таксама Міністэрства замежных спраў Рэспублікі Польшчы у рамках конкурсу па рэалізацыі праграмы "Супрацоўніцтва з польскай дыяспарай і палякамі за мяжой".

Правілы конкурсу

Заява аб аўтарскіх правах