Улады хочуць знесці дом Статкевіча

"Лібералізацыя" буяе.
Нядаўна ўлады паведамілі аб сваім рашэнні знесці дом, дзе я жыву, ў сувязі з раптоўна ўзнікшымі "грамадскімі патрэбамі". Гэты стары дом з садам належыць маёй жонцы. Яна ў ім вырасла.
Рашэнне аб зносе было дэманстратыўна прынята 13 верасня, на наступны дзень пасля арганізаванай мной масавай акцыі за сапраўдныя выбары.
Шчыра кажучы, нечага такога я чакаў. Здзіўляе іншае. Няўжо людзі, якія ўжываюць такія метады, сур'ёзна спадзяюцца, што яны ці іх нашчадкі застануцца жыць пасля змены сітуацыі ў іх, пабудаваных на неведама адкуль узятыя мільёны, палацах?", - напісаў Мікалай Статкевіч.

Як паведамляла "ЕўраБеларусь", яшчэ аднаго ўдзельніка той акцыі сустаршыню партыі БХД Паўла Севярынца суд пакараў штрафам у 50 базавых велічынь.