ЗОНАРУСЬ

Тут жывуць раптоўна і заўчасна
І часцей ад ночы да відна…
Тут, пад бессмяротным  “флагам красным”
Ружавее профіль пахана.

Месца тут на нарах мае кожны,
Ці магчымасць іх займець хаця б.
Толькі вось рабом тут стаць няможна,
Бо ад нараджэння кожны раб.

Тут адно: да неба ўзняўшы вочы,
Перці да свабоды напрасткі…
Бангалор, Кастрычніцкая плошча…
Браце, шлях ты абярэш які?