Самотнасць

 юнакоў і дзяўчатаў

Кожны ў лаптоп утаропіўся свой,

Вушы ў “разіну” абуў…

а да суседа-ні слова

Не, не пажэняцца хіба яны

 ані замуж не выйдуць

             Шкада…

Так вось нам плодзіць

 камп’ютарны век

 вычварэнцаў самотных

і халодных кастратаў

З жыцця багемы

Намаляваў карціну мастак

прынёс у салон

 і паставіў цану

- сем мільёнаў!!!

Ад голаду спух

 і памёр

 а карціну

ніхто не купіў

Не будзь ганарыстым

 і сквапным, мастача!

 ты не Шагал і не Рубенс

Пражыўшы жыццё...

Сьлепіць на лаўцы пенсіянер

 апошнія вочы

над “Камсамольскаю праўдай”

Сябе пашкадуй,

 чалавеча!

чым  гэтую поскудзь чытаць

пагледзеў б лепш

дзе бегаюць

 ўнукі малыя