Расіянку, асуджаную на 7 гадоў зняволення за SMS, прызналі палітвязнем

У 2008 годзе падчас расійска-грузінскай вайны Севастыдзі адправіла свайму грузінскаму сябру SMS-паведамленне, дзе апавяла, што ўбачыла на вуліцах Сочы расійскую ваенную тэхніку. За гэта жанчыну абвінавацілі ў "дзяржаўнай здрадзе": у сакавіку 2016 году расійскі суд асудзіў яе на 7 гадоў калоніі.

"Інфармацыя, якую яна перадала, была даступная неабмежаванаму колу людзей, і Севастыдзі не была папярэджана пра яе сакрэтнасць. Мы лічым недапушчальным ускладаць на цывільных асоб адказнасць за таямніцу ваенных аперацый, а тым больш крыміналізаваць зносіны з замежнікамі пра ўбачанае на вуліцы. Калі падобная практыка стане нормай, гэта выкліча катастрафічныя наступствы для правоў чалавека ў Расіі", — адзначаецца ў заяве расійскіх праваабаронцаў.

Усяго, паводле праваабарончага цэнтру "Мемарыял", у турмах і калоніях Расіі знаходзіцца 103 палітвязні, паведамляе "Радыё Свабода".