У Расіі згубілі зняволенага апазіцыянера Дадзіна

Яны шлюць у Федэральную службу выканання пакаранняў патрабаванні паведаміць пра месца знаходжання Ільдара Дадзіна, бо баяцца за яго жыццё і здароўе. Канкрэтнага адказу пакуль не атрымана. Еўрапейскі суд у пытаннях правоў чалавека абавязаў Расію да 9 студзеня паведаміць, дзе знаходзіцца зняволены актывіст, паведамляе Радыё Свабода.

Лідар руху «За правы чалавека» Леў Панамароў сцвярджае, што 30 снежня тэлефанаваў начальніку службы выканання пакаранняў, і той заявіў, што сам не ведае, дзе Дадзін.

У сацыяльных сетках неабыякавыя публікуюць допісы аб сітуацыі з хэштэгам #ГдеИльдарДадин, а жонка Дадзіна Анастасія Зотава лічыць дні, цягам якіх не ведае пра лёс мужа.

Дадзін першы ў Расіі асуджаны паводле артыкулу «неаднаразовае парушэнне вызначанага парадку арганізацыі альбо правядзення мітынгаў», прызнаны Amnesty International вязнем сумлення. Перад знікненьнем ён у дэталях распавядаў СМІ пра жорсткія катаванні ў калоніі.