Польскі палітык зоймецца справай чачэнскіх уцекачоў, што чакаюць на выезд у Брэсце

У святле заканадаўства, калі чалавек просіць міжнароднай абароны, памежнікі абавязаны яго прыняць і накіраваць у адпаведныя прытулкі. Пазней кожная справа індывідуальна разглядаецца ўпаўнаважаным органам, заўважыў польскі дэпутат у каментары «Радыё Рацыя».

– Па-першае, чаму памежная служба адмаўляецца ўпускаць іх. Гэта ж не яна вырашае статус уцекачоў. Па-другое, гэтыя людзі знаходзяцца ў жудасных ўмовах. Таму такое стаўленне да іх нават супярэчыць закону. І ў гэтай справе я пішу інтэрпеляцыю і да міністра юстыцыі, і да міністра ўнутраных спраў.

Прадстаўнікі няўрадавых арганізацый зазначаюць, што апошнім часам наплыў чачэнцаў на памежным пераходзе Брэст-Тэрэспаль рэзка павялічыўся, па некаторых падліках на беларускім баку мяжы знаходзіцца ад адной да трох тысяч чачэнскіх уцекачоў.