Трамп цягам 18 гадоў пазбягаў выплаты федэральных падаткаў

Пра гэта паведамляе "Наша Ніва" са спасылкай на The New York Times.

Газета, са спасылкай на падатковыя справаздачы, якія не публікаваліся раней, піша, што страты ў Трампа былі ў пачатку 1990 г. праз неэфектыўнае кіраванне трыма казіно ў Атлантык-Сіці, няўдалая спроба заняцца бізнэсам авіяперавозак, а таксама несвоечасовае набыццё гатэля Plaza на Манхэтэне.

Трамп адмовіўся каментаваць публікацыю. Супрацоўнікі яго перадвыбарнай кампаніі выпусцілі заяву, у якой не пацвердзілі, але і не абверглі гэтую інфармацыю.

Таксама адвакат Трамп даслаў у газету ліст па электроннай пошце, у якім сцвярджае, што публікацыя справаздач незаконная, бо бізнэсовец не дазваляў раскрываць яго падатковыя дэкларацыі.