ФСБ цісне на сваякоў публіцыста Андрэя Піянткоўскага

Іх дзеянні звязаныя з крымінальнай справай аб экстрэмізме.

„Сілавікі прыйшлі каля сямі раніцы, – напісаў у сваім твітары адвакат Піянткоўскага Марк Фейгін. - Рыюцца ўсюды, надзвычай дбайна”, – адзначае юрыст. Па яго словах супрацоўнікі не збіраюцца абмяжоўвацца толькі кватэрай унука і дачкі публіцыста, аператыўнікі маюць намер працягнуць ператрусы ўжо па месцы рэгістрацыя самога Піянткоўскага.

Журналіст і грамадскі дзеяч Андрэй Піянткоўскі пакінуў Расію ў лютым гэтага году з-за крымінальнага пераследу. У сакавіку ў дачыненні Піянткоўскага была пачатая крымінальная справа адразу па двух артыкулах – аб экстрэмізме і публічных закліках да парушэння тэрытарыяльнай цэласнасці Расіі. Нагодай для гэтага стаў артыкул «Бомба, готовая взорваться» – ён быў надрукаваны на сайце „Эха Москвы”. Раней паведамлялася, што праверыць тэкст на прадмет экстрэмізму Генпракуратуру Расіі папрасіла галава камітэтуДзярждумы па бяспецы Ірына Яравая. Сам Андрэй Піянткоўскі не раз заяўляў, што вяртацца ў Расію бліжэйшым часам не збіраецца. Андрэй Піянткоўскі вядомы як бліскучы аналітык і паслядоўны крытык пуцінскага рэжыму, перадае Радыё Рацыя.