У Кіеве арыштавалі былога кіраўніка штаба батальёна “Айдар”

В Украине

Пасля вынясення пастановы аб арышце, у зале суда адбылася сутычка. Затым паплечнікі Лыхаліта ўсю ноч блакавалі будынак суда, каб яго не везлі ў ізалятар, піша "Еўрарадыё".

Валянцін Лыхаліт упэўнены, што справу супраць яго сфабрыкавалі па загадзе першага камандзіра “Айдара”, дэпутата Вярхоўнай рады Украіны Сяргея Мельнічука.

Добраахвотніцкі батальён “Айдар” удзельнічаў у баявых дзеяннях на ўсходзе Украіны супраць прарасійскіх сепаратыстаў. Пры гэтым міжнародныя праваабарончыя арганізацыі заяўлялі, што чальцы фармавання займаліся незаконнымі затрыманнямі і выкраданнямі людзей. У батальёне былі частымі канфлікты паміж байцамі і кіраўніцтвам.

У “Айдары” служыла і Надзея Саўчанка, асуджаная ў Расіі, а затым абмененая на дваіх расійскіх грамадзян, перадаюць замежныя СМІ.