Журналістка Хадзіджа Ісмаілава на волі

Сёння суд у Баку, разглядаючы апеляцыю азэрбайджанскай журналісткі Хадзіджы Ісмаілавай, прыняў рашэнне вызваліць яе з адтэрміноўкай выканання прысуду.

Вярхоўны суд Азербайджану распарадзіўся вызваліць з-пад варты журналіста Хадзіджу Ісмаілаву пасля таго, як яе прысуд быў паніжаны з сямі з паловай да трох з паловай гадоў.

Журналістку азербайджанскай службы Радыё Свабода Хадзіджу Ісмаілаву, арыштаваную ў пачатку снежня 2014 года, у верасні 2015 году прысудзілі да сямі з паловай гадоў турмы па абвінавачаннях у эканамічных злачынствах — крадзяжах, перавышэнні службовых паўнамоцтваў, нелегальным прадпрымальніцтве і ўхіленні ад выплаты падаткаў. Падчас працэсу Ісмаілава адхіліла ўсе абвінавачанні, назваўшы іх палітычна матываванымі.

Паводле Ісмаілавай, улады адпомсцілі ёй за журналісцкія расследаванні фактаў карупцыі ў вышэйшых эшалонах улады Азербайджану, перадае Радыё Свабода.